तीर्थराज अधिकारीजालो
कार्यालयमा एउटा फाइल छैन जालो नभएको घरको छानोमा, रुखको पात-पातमा सिनेमा हलको झ्यालमा साँच्चै भन्ने हो भने, यतिखेर तपाइँले लगाएको टोपी र चश्मामा पनि माकुराको जालो देखेको छु ।
तीर्थराज अधिकारी
हिजो आज मेरा आँखा
माकुराको जालोमा मात्र पर्न थालेका छन्
ध्यानै नदिँदा पनि त्यहीँ पुग्छन् यी आँखा
अनास्था गर्न खोज्छु तर सक्दिन ।
कतै मेरो मस्तिष्कमा माकुरै माकुरो त छैन ?
मेरो विचार जालोले बेरिए जस्तो छ
जालो बाहिरबाट सोच्न पनि सक्दिन
जालो हटाएर हेर्न पनि सक्दिन ।
हरेक पुस्तकमा पानै पिच्छे जालो
खेतको कुना-कुनामा जालो
प्रत्येक संवेदनशील विषयमा झन् जालो
हर कुरामा माकुरो जाल बुनिरहेछ ।
कार्यालयमा एउटा फाइल छैन जालो नभएको
घरको छानोमा, रुखको पात-पातमा
सिनेमा हलको झ्यालमा
साँच्चै भन्ने हो भने,
यतिखेर तपाइँले लगाएको टोपी र चश्मामा पनि
माकुराको जालो देखेको छु ।
०००
पोखरा- १०, हाल- संयुक्त राज्य अमेरिका ।
