नेपाली हास्यव्यङ्ग्य अनलाइन पत्रिका

टङ्कराज ढकाल तितेपाती :

न बिक्री न बट्टो व्यापार यै हो
गरौ भिन्न धन्दा आधार यै हो
गृहस्थी भने झैं चल्दैन के हो
उधारो नतिर्ने पारा छ के हो।१

उताको ऊधारो तिर्नै छ जे हो
यता भो पसारो बिक्दैन जे हो
गरें काम आफ्नो टार्दैन के हो
उधारो नतिर्ने पारा छ के हो।२

बजारी भए पो नाफा हुने हो
हजारी हुँदा जो घाटा हुने हो
म ठूलो कहाँ पो बेच्ने बने हो
उधारो नतिर्ने पारा छ के हो।३

कसैको असामी के बन्धकी हो
लिएको ऋणी जो ब्याजी म जे हो
अबिच्छिन्न चल्दा थोरै हुने हो
उधारो नतिर्ने पारा छ के हो।४

तिरेनन् कसैले डोको घटे हो
फिरेनन् त कोही खाए सके हो
लगातार कुर्दा पट्याट यै हो
उधारो नतिर्ने पारा छ के हो।५

व्यथा यो नबुझ्ने सत्कर्म के हो
नढाँटेर बोल्ने सत्पात्र यै हो
गिजोलेर छाडे उन्माद त्यै हो
उधारो नतिर्ने पारा छ के हो।६

०००
नवलपुर