नेपाली हास्यव्यङ्ग्य अनलाइन पत्रिका

शम्भु जमरकट्टेल हेदाङ्ने :

मध्येरात जाजरकाेटमा भूकम्पमा चढेर
सयाैं मानिसकाे काल आयाे ।
एकाबिहानै हेलिकप्टर चढेर
हजाराैँकाे काल आयाे ।
भूकम्प आए पनि,
हेलिकप्टर आए पनि,
गाँउले, गाउँकै अन्न, खसी
र कुखुराकाे सत्यानास बनायाे ।
गाउँलेकाे दशामा दशैं मनायाे ।

उता गाउँमा भूकम्प आयाे,
सयाैं मानिसलाई सुतेकै बेला खायाे,
कतिलाई टुहुराे एकल, विधवा, विदुर बनायाे,
हजाराैंका वासस्थान लडायाे,
सपाङ्ग मानिसलाई अपाङ्ग बनायाे ।
नेपाल र नेपालीलाई फेरि एक पटक
शाेकमा डुबायाे ।

यता शहरमा भ्रष्टहरूकाे मुख रसायाे,
हेलिकप्टर चढ्ने साइत जुरायाे,
जिन्सी र नगद उठाउने बहाना जुरायाे,
सहयाेगकाे नाममा विदेश सयरकाे
माैका मिलायाे,
कसरी आफूतिर सार्ने आँखा चलायाे,
अलि अलि उता पठायाे,
हाम्रा नेता क्या सहयाेगी भन्ने वातावरण मिलायाे ।
फेरि एकपटक शासकलाई दशैं आयाे ।

उता गाउँलेलाई भूकम्पले रुवायाे,
यता शहरमा निर्घृणी भ्रष्टहरूलाई दशैँ आयाे ।

०००