बिर्सिन् क्या यी शालिनीले मलाई
धेरै हिँड्छन् ढाल पोशाक लाई नाङ्गा हुन्छन् काम लाचार हाई थुङ्गा खोज्छन् बोट मासेर खाई बिर्सिन् क्यारे शालिनीले मलाई ।
टङ्कराज ढकाल :
लेख्ने सोच्ने काम गर्दैछ भाई
दिन्छन् जान्छन् शब्द वाक्यांश आई
भन्छन् राम्रो लेख् तँ धेरै सवाई
बिर्सिन् क्यारे शालिनीले मलाई ।१
रोगी मान्छे लेख्न सक्दैन दाइ
भोगी ढोंगी देख्न जान्दैन जाई
भोको नाङ्गो चाट्न खोज्छ कराई
बिर्सिन् क्या हो शालिनीले मलाई ।२
डाँडाभाटा थाम गारो लडाई
न्यानो मान्छन् बास आफ्नो जलाई
ढोग्छन् पुज्छन् जो पराया भजाई
बिर्सिन् क्या यी शालिनीले मलाई ।३
सोच्छन् छानो आज आकाशलाई
मिच्दै जान्छन् चट्ट मेसो मिलाई
कुस्ती खेल्छन् हारमा तिल्मिलाई
बिर्सिन् क्या यी शालिनीले मलाई ।४
डाँडापाखा खेत टारी जलाई
आगो ताप्छन् हन्तकाली रमाई
खोला खोल्सी खै नदीको भलाई
बिर्सिन् क्या यी शालिनीले मलाई ।५
धेरै हिँड्छन् ढाल पोशाक लाई
नाङ्गा हुन्छन् काम लाचार हाई
थुङ्गा खोज्छन् बोट मासेर खाई
बिर्सिन् क्यारे शालिनीले मलाई ।६
सत्ताधारी धुन्धुकारी रजाई
गर्दैछन् के राजखानी चपाई
मर्दैछन् जो दामपैसा चढाई
बिर्सिन् क्यारे शालिनीले मलाई ।७
०००
नवलपुर