नेपाली हास्यव्यङ्ग्य अनलाइन पत्रिका

लक्ष्मीप्रसाद फुयाल :

कोही लेख्छ काव्य मिठो तर पस्किँदैन !
कवित्व पोखिएर कहिं रत्ति भर रित्तिँदैन ॥

साटिन्छन् खादा,तक्मा मञ्च मान यदाकदा
गुमनाम बस्न सक्छन् सच्चा कवि बेचिँदैन ॥

निसङ्कोच भए मात्र काव्य फुर्छ फुरुफुरु
सङ्कोच बोकि मनमा गह्रौं भाव लेखिँदैन ॥

कोईली गाँउछ मीठो काग गर्छ क्याँक्याँक
बाडिन्छ है काव्यधारा दम्भ धाक बाडिँदैन ॥

अगाडि बढ्छ उहि जो गर्छ नित्य साधना
बोकेर गर्भ बाटै ज्ञान कतै कोही जन्मिँदैन॥

कतै छ सत्ताको गान कतै छ माटोको कथा
साधना अमर हुन्छ लौ साधकत्व मेटिँदैन ॥

०००
पथरी शनिस्चरे, मोरङ