लक्ष्मण नेवटियाहोली आयो – होली गयो फुस्सा !
ज्ञानबहादुर कतार जाने हतारमा छ कोही नभेट्दा हत्केलाको अबीर हत्केलामै रह्यो देखेको रङ्गीन सपना बतासले उडाइ लग्यो । होली आयो होली गयो फुस्सा ।
लक्ष्मण नेवटिया :
होलीको रङ्गमा
ठट्यौलीको तरङ्गमा
हत्केलाभरि अबीर बोकेर
यसपालि होलीमा
म साथी खोज्दै थाकें
आफ्ना इष्ट मित्रहरू,
तर कहाँ कता कसलाई भेट्न ?
ऊ मेरो साथी यामबहादुर
बेपत्ताको सूचीमा छ
ऊ अर्को साथी रामबहादुर
ब्रिटिश सेनाको ड्युटीमा छ
श्यामबहादुर कतारमा छ,
ज्ञानबहादुर कतार जाने हतारमा छ
कोही नभेट्दा
हत्केलाको अबीर हत्केलामै रह्यो
देखेको रङ्गीन सपना बतासले उडाइ लग्यो ।
होली आयो होली गयो फुस्सा ।
०००
विराटनगर
nevatialk@gmail.com
Subscribe
Login
0 Comments
Oldest
