नेपाली हास्यव्यङ्ग्य अनलाइन पत्रिका

लक्ष्मण नेवटिया :

होलीको रङ्गमा
ठट्‌यौलीको तरङ्गमा
हत्केलाभरि अबीर बोकेर
यसपालि होलीमा
म साथी खोज्दै थाकें
आफ्‌ना इष्ट मित्रहरू,
तर कहाँ कता कसलाई भेट्न ?

ऊ मेरो साथी यामबहादुर
बेपत्ताको सूचीमा छ
ऊ अर्को साथी रामबहादुर
ब्रिटिश सेनाको ड्युटीमा छ
श्यामबहादुर कतारमा छ,
ज्ञानबहादुर कतार जाने हतारमा छ
कोही नभेट्दा
हत्केलाको अबीर हत्केलामै रह्यो
देखेको रङ्गीन सपना बतासले उडाइ लग्यो ।
होली आयो होली गयो फुस्सा ।

०००
विराटनगर
nevatialk@gmail.com