नेपाली हास्यव्यङ्ग्य अनलाइन पत्रिका

भोजराज रेग्मी ‘मुखाले’ :

यहाँ बेला बेलामा
दिउँसै स्याल आउँछ र
जस्केलामै ख्याउँ ख्याउँ गर्छ
हामी हत्त न पत्त दैलो लाएर
राशीफल हेछौँ र लामो सास फेर्छाैँ
चुनावको बेला दैलोमा बिरालो आउँछ र
म्याउँ म्याउँ गर्छ
हामी मायाले पग्लेर
गर्वले छाती तन्काउँदै
भोट हाल्न लाइन लाग्छौँ ।

ऊ मतपेटिकाबाट ब्वाँसो बनेर निस्कन्छ
र, साँढे अवतारमा उधुम मच्चाउन थाल्छ ।
हामी लोकतन्त्रको जादू देखेर ट्वाँ !! पर्छाैँ
र, पररर ताली बजाउँछौँ ।

०००
पेप्सीकोला, काठमाडौं