रमेश समर्थनराजमार्गस्तोत्रम् !
सद्दे पनि असद्देमा असद्देका कुरै किन यस्तो मार्ग कहाँ होला स्वर्गमा धरणीतिर हड्डी फुकालिदिन्छौ हे मार्गदेव दया गर मेरुदण्डविनाशाय राजमार्गाय ते नमः ।
रमेश समर्थन :
हाम्रो यो धूलिकायुक्त राजमार्ग सधैँ रहोस्
उचालेर पछारेर ढाड भाँचेर छाडियोस्
यता जोल्टिङ उता पल्टिङ अनि बुर्लुक्क उफ्रिँदै
नर्कयात्रासमं हाम्रो राजमार्ग नमोsस्तु ते ।
धुलोले ढेडुझैं हाम्रो अनुहार बनाउँछौ
मान्छे भन्नेै नमिल्ने यो रूप सौन्दर्य ल्याउँछौ
जिउँदै नर्कको जात्रा मरेपछि कता कता
गर्भलाई तुहाएर सृष्टि नै हुन्छ बेपता ।
सद्दे पनि असद्देमा असद्देका कुरै किन
यस्तो मार्ग कहाँ होला स्वर्गमा धरणीतिर
हड्डी फुकालिदिन्छौ हे मार्गदेव दया गर
मेरुदण्डविनाशाय राजमार्गाय ते नमः ।
०००
रूपन्देही
Subscribe
Login
0 Comments
Oldest
