साइबर अपराध सम्बन्धी सचेतना सामग्री

गाउँ गाउँ जस्तो छैन !

गाउँमा आरानहरू छन्, हँसिया, कोदालो अर्चाप्ने किसानहरू छैनन् ! वरपीपलका चौतारीहरू छन्, छहारी बस्ने बटुवाहरू छैनन् । गोठहरू छन्, गोठमा बाँध्ने गाईवस्तुहरू छैनन् ! स्कूलहरू छन्, स्कूल पढ्ने विद्यार्थीहरू छैनन् ! घरहरू छन्, मान्छेहरू छैनन् !

Nepal Telecom ad

सुभाषचन्द्र देवकोटा :

गाउँमा शहर पस्यो कि ?
शहरमा गाउँ पस्यो ?
जहाँ पसे पनि
गाउँ अब गाउँ जस्तो छैन ।

गाउँमा अब,
भोटो कछाड बाँध्ने हजुरबाहरू छैनन्
बाटो हिँड्ने बटुवाहरूलाई तगारोमा बसेर
मोही पिउँछौ कि नानी,
भनेर सोध्ने दयालु हजुरआमाहरू छैनन्
विचरा बाबुलाई थकै लाग्यो होला भनेर
पिँडीमा गुद्री ओछ्याउने मायालु आमाहरू छैनन् !
गाउँ अब गाउँ जस्तो छैन ।

गाउँमा अब
घाँस, दाउरा गर्ने भाउजुहरू छैनन् ।
पात बजाउँदै, बजाउँदै गोठालो जाने दिदीबहिनीहरू छैनन् ।
बारीका पाटामा उफ्री, उफ्री दण्डीबियो खेल्ने भाइहरू छैनन् ।
परालका भारी बोकेर गाउँबेँसी गर्ने दाइहरू छैनन् ।
गाउँ, अब गाउँ जस्तो छैन ।

गाउँमा अब,
रुवाटेपिङहरू छैनन् ।
ढिकी र जातोहरू छैनन् ।
पानीघट्टा र मकैका थाक्राहरू छैनन् ।
खेतमा काम गर्ने लाठे र खेत रोप्ने रोपारहरू छैनन् ।
गाउँ, अब गाउँ जस्तो छैन ।

गाउँमा मन्दिरहरू छन्,
घन्टा बजाउने पुजारीहरू छैनन् ।
तुलसीमठहरू छन्,
साँझ, बिहान आरती गर्ने दिदीहरू छैनन् ।
गाउँमा धारा छन्,
पानी भर्ने पँधेर्नीहरू छैनन् ।
गाउँमा आरानहरू छन्,
हँसिया, कोदालो अर्चाप्ने किसानहरू छैनन् !
वरपीपलका चौतारीहरू छन्,
छहारी बस्ने बटुवाहरू छैनन् ।
गोठहरू छन्,
गोठमा बाँध्ने गाईवस्तुहरू छैनन् !
स्कूलहरू छन्,
स्कूल पढ्ने विद्यार्थीहरू छैनन् !
घरहरू छन्,
मान्छेहरू छैनन् !

गाउँमा शहर पस्यो कि ?
शहरमा गाउँ पस्यो ?
जहाँ जे पसे पनि
गाउँ अब गाउँ जस्तो छैन ।

०००
गोरखा, हाल काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
कुकुरछाप कुकुर…..

कुकुरछाप कुकुर…..

सुभाषचन्द्र देवकाेटा
चोरमाथि चण्डाल

चोरमाथि चण्डाल

सुभाषचन्द्र देवकाेटा
प्रश्न गर्न मनाही छ…

प्रश्न गर्न मनाही छ…

सुभाषचन्द्र देवकाेटा
मौनताको आँधि

मौनताको आँधि

सुभाषचन्द्र देवकाेटा
मनको लड्डु …

मनको लड्डु …

सुभाषचन्द्र देवकाेटा
निरोको शहर…

निरोको शहर…

सुभाषचन्द्र देवकाेटा
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x