नेपाली हास्यव्यङ्ग्य अनलाइन पत्रिका

खगेन्द्र नेउपाने :

बिहान तीन बजे एउटा एक्लो चरोले
साह्रै सावधान सङ्गीतको
एक पदमात्र उच्चारण गर्‍यो
मौन आकाशमा ।

आफ्नु टाउको छोप्न आकाशलाई समातेको
रातलाई ओछ्याएर निदाउने प्रयास गरेको
सम्झौता तोडिन तोडिन लागेको बेला
चुपचाप
हावाको ध्वनिमापक चट्टानमा
अल्झिएर बजारिन पुग्यो
मौन आकाशमा ।

बिहान ४ बजे
सधैँ घाँस पराल गरिरहेको आकाश
एकाएक लेफ्ट राइटमा विभाजित भयो
लेफ्टहरू राइटलाई उछिन्दैछन्
राइटहरू लेफ्टलाई जित्दैछन्
तर एकअर्कालाई अल्झाएर
तर एकअर्कालाई छिर्के हानेर
लडाउन उद्यत ।

विकासे ठेकदारहरू
गोजीभरी विकासका कथा लेख्दैछन् ।

०००
गौरादह, झापा