नेपाली हास्यव्यङ्ग्य अनलाइन पत्रिका

सुरेश राई :

तपाईंले उसको
उसले तपाईंको
तपाईंले उनीहरूको
उनीहरूले तपाईंको
हाँच्छयुँलाई पनि
कविता मानेर
चर्चित बनाइदिनु भो
एक अर्काको कुँडा कर्कटमाथि
चर्चा गर्दै
पालैपालो वाहवाही गर्नु भो
एक अर्काको तारिफ गर्दै
एक अर्कालाई दोसल्ला ओढाउनु भो

त्यसैले महाशय !
मलाई माफ गर्नुहोस्
तपाईंको पारस्परिक प्रशंसा समूह
मलाई स्यालको हुईय.. हुईय… गर्ने
हूल जस्तो लाग्छ
त्यसैले म
फेसबुक, इन्स्टा या कहीँ कतै
तपाईंको त्यो जत्थामा आउन
शत प्रतिशत
नामन्जुर छु

०००