रमेश खकुरेलकुम्भ मेला
मूल्यको मान्यता खूब चल्दै थियो साँच्चिकै लेखनी चाहिँ गल्दै थियो । भोजको मोजमा मातको खोजमा बात बल्दै थियो हात मल्दै थियो ।
रमेश खकुरेल :
आज साहित्यको कुम्भ मेला थियो
दीप नै लाख पर्ने बलेको थियो ।
ब्ल्याक लेभल् त खोलो बगेको थियो
शब्द बेपार राम्रै जमेको थियो ।
को कता को कता खूब चर्चा थियो
झुण्डपिच्छे कुनै एक झण्डा थियो ।
धेर यात्री थिए एक पण्डा थियो
भाउ मिल्ने कुरा मात्र चन्दा थियो ।
शब्दका पारखी भावका पारखी
मानका पौरखी हाटका पौरखी ।
मूल्यको मान्यता खूब चल्दै थियो
साँच्चिकै लेखनी चाहिँ गल्दै थियो ।
भोजको मोजमा मातको खोजमा
बात बल्दै थियो हात मल्दै थियो ।
नोटको सामु साहित्य मर्दै थियो
शीत भै व्योमको आँसु झर्दै थियो ।
आज साहित्यको कुम्भ मेला थियो ।
०००
काठमाडाैं
Subscribe
Login
0 Comments
Oldest
