नेपाली हास्यव्यङ्ग्य अनलाइन पत्रिका

सुरेश राई :

मान्छे एक
नसकिने जात रहेछ
धर्मको प्रश्नमा
‘विज्ञानले समेत यसो भनेको छ’ भन्छ
र विज्ञान टेकेर तर्क गर्छ ।
विज्ञानको कुरा उठायो
‘शास्त्रमा पनि यस्तो छ’ भन्छ
र धर्म देखाएर तर्क गर्छ ।

ल आऊ तर्क गरौँ भन्यो
प्रेम घुसाएर जवाफ दिन्छ
ल आऊ प्रेम भए प्रेमै सहि भन्यो
फेरि प्राक्टिकल बन् भन्छ
प्राक्टिकल भएर व्यबहारिक कुरा गर्यो
तँ सिद्धान्तमा चिप्लिस् भन्छ
ऊ घरी सिद्धान्त केही होइन भन्छ
ऊ घरी पैसा केही होइन भन्छ
कहिले डिभी परेन भनेर रुन्छ
कहिले अमेरिकालाई छि:छि: भन्छ

तेरिमा मान्छे !
ऊ जेसँग जे पनि मिसाइदिन्छ
आफूलाई सत्य र सहि साबित गर्न
मान्छे पानीमा तेल
र तेलमा पानी घोल्न खोज्छ ।

०००