प्रदीपरत्न शाक्यरङ
अचम्म ! तिमीले सत्तारोहण गरेपछि म फेरि हारेकै योद्धा भएँ पृथ्वीनारायणको सामु जयप्रकाशजस्तै ।
प्रदीपरत्न शाक्य :
छोयलामा
तँ रमाएको थिइस्
गुन्द्रुकमा म ।
स्वाद ताजै छ
दृश्य बाँचेकै छ
भाइचाराको त्यो मझेरीले आँ
गन अझै सुगन्धित छ ।
झझल्किन्छन्
ती साँझ-बिहान अझै
आँसुलाई
वसन्त भनी गाएका पलहरू ।
एकै गुराँस
एकै डाँफेका तस्वीर थियौँ
जता, जहाँ पुगे पनि हामी ।
अचम्म !
तिमीले सत्तारोहण गरेपछि
म फेरि हारेकै योद्धा भएँ
पृथ्वीनारायणको सामु
जयप्रकाशजस्तै ।
०००
काठमाडाैं
Subscribe
Login
0 Comments
Oldest
