नेपाली हास्यव्यङ्ग्य अनलाइन पत्रिका

प्रदिपरत्न शाक्य :

सुन्दरी शब्द पनि
लाग्न थाले मिठो उपनाम ।

कठपुतली
मेरा दिन रात
बजारकै स्वरुप
मेरो बगैँचा ।

धार्मिक आदर्शहरू नै
भमरा बन्दै
खेल्छन्, मनोरञ्जित हुन्छन्
गङ्गा स्नान गरेकै अनुभूतिमा
पुरुषार्थ मनाउँछन् ।

म छुट्टै दुनियाकी रानी हुँ भन्दै
आँसु पिएर
अभिमानी हुन थालेकी छु ।

ए गरिबी !
म यो वर्तमानलाई
वरदानमै गन्न थालिसकेकी छु
तिम्रा निर्दोषी अबलापन कुल्चँदै
सम्पन्नपनमा जिउन थालिसकेकी छु ।

रातमा मैनका शिखा
दिनमा पाउजुका झन्कारहरू
विद्रोही हुँदा
भन्न थालेकी छु म स्वर्गकी अप्सरा हुँ
कोपिलामै
नारकीय जीवन दिने पलहरूलाई श्राप्दै ।

०००
काठमाडौं