भोजराज रेग्मी ‘मुखाले’सत्ता
कृष्ण कंस हुन्छ युधिष्ठिर दुर्योधन बन्छ । सत्तामा पुगेपछि- कवि पनि कसाई बन्छ कसाई पनि कवि हुन्छ गान्धी गोड्से हुन्छ पण्डित पादरी बन्छ सयपत्री बाबरी हुन्छ ।
भाेजराज रेग्मी मुखाले :
मेरो देशमा
सत्ता भन्ने यस्तो ठाउँ छ
जहाँ पुगेपछि
वयोवृद्धको पनि ब्याट्री चार्ज हुन्छ
लिलिपुट पनि इन्लार्ज हुन्छ ।
लाटाहरू भाषण गर्न थाल्छन्
बाठाहरू गोजेरो भर्न थाल्छन् ।
सञ्जयहरू नै धृतराष्ट्र भइदिन्छन्
सावित्रीहरू पिङ्गला बनिदिन्छन् ।
पोथी भाले हुन्छन्
शत्रु पाले बस्छन् ।
कृष्ण कंस हुन्छ
युधिष्ठिर दुर्योधन बन्छ ।
सत्तामा पुगेपछि-
कवि पनि कसाई बन्छ
कसाई पनि कवि हुन्छ
गान्धी गोड्से हुन्छ
पण्डित पादरी बन्छ
सयपत्री बाबरी हुन्छ ।
मेरो देशमा
सत्ता भन्ने यस्तो ठाउँ छ
जहाँ पुगेपछि
वयोवृद्धको पनि ब्याट्री चार्ज हुन्छ
लिलिपुट पनि इन्लार्ज हुन्छ ।
०००
रचनाकालः २०७०
सिनामङ्गल, काठमाडाैं
Subscribe
Login
0 Comments
Oldest
