मित्रलाल पंज्ञानीमैमत्त महोदय !
भित्र भित्र फैलाएर जासुसीको जालो धुत्न खोज्छ भित्री कुरा, खुस्काउँछ तालो फटाहा छ, परिवारमा फाटो हाल्छ यल्ले पस्न नदिम्, पस्यो भने घर फुटाल्छ यल्ले ।
मित्रलाल पंज्ञानी :
‘म फस्ट छु, सधैँ सधैँ मै हुने हो फस्ट
अरू फस्ट हुनै हुन्न, कुरो मेरो स्पष्ट
फस्ट हुन पाइन भने नष्ट पारिदिन्छु
यता बस्न दिन्न तँलाई, खोलो तारिदिन्छु ।
त्यो जिमीको स्रोत मैले लुट्न पाउनुपर्छ
लुट्न दिन्न भन्नेलाई चुट्न पाउनुपर्छ
नत्रभने जानेको छु के के गर्नुपर्छ
पछि देख्लास्, हुन्न भन्ने को को मर्नुपर्छ ।
तेरो नाका रोकिदिन्छु, तँलाई मारिदिन्छु
मलाई ढोग्न आइनस् भने ध्वस्त पारिदिन्छु
पृथ्वीमा मेरो जत्ति क्वैको छैन बल
पर्खी, तँलाई कस्तोगरी धसाइदिन्छु तल !’
सेँढिएको अधमले धम्की दियो आज
मैमत्तले गरेको छ संसारमा राज !
काल मात्यो पृथिवीमा, खान आँट्यो बस्ती
धर्तीबासी बाहिर निस्क, गर्नुपर्यो गस्ती ।
भित्र भित्र फैलाएर जासुसीको जालो
धुत्न खोज्छ भित्री कुरा, खुस्काउँछ तालो
फटाहा छ, परिवारमा फाटो हाल्छ यल्ले
पस्न नदिम्, पस्यो भने घर फुटाल्छ यल्ले ।
०००
कपन, काठमाडाैं
बुद्ध बन्नु थियो मैले बाटो खोज्नु थियो नयाँ
फैलाउनु थियो मैले चेतनाको दियो नयाँ