नेपाली हास्यव्यङ्ग्य अनलाइन पत्रिका

धनराज गिरी :

काका हाथरसी शशी कपिलजी अर्याल मेरा अरू
पाजी सिद्दु रमाउने गजलमा गोविन्दवादीहरू !
गाम्नागे अवतार लक्ष्मण उही आधार हो सिस्नुको
फित्कौली नरनाथ बानर धनी आत्मीयता बिष्णुको !

औतारी गजुरेल रेल चढियो के के भयो देखियो
चौतारी खकुरेल बा शहरमा साहित्यमा लेखियो
चर्को अर्जुन नून धून रसिलो आधार दादा कदी
तारा भैरव सिर्जना सफरमा श्रीराम दाजी नदी !

काका दीपकराज भन्छ अनिता प्यारी निरौला परी
दीपाको उपकार सार कविता आई कमेडी चरी !
माग्ने एक रमाउने जितु बनी नेपाल चम्काउने
आम्माम्मा महको विचित्र गरिमा आफन्त लम्काउने !

मीठो हास्य बनाउने तिलकले रामेन्द्र जोडी परे
झापाली सुकरात झ्याम्म तगडा मज्जा हुने जन्तरे
सारा खेल मजाक लाग्छ दुनियाँ जोगी उही भ्याउने
हान्ने थप्पड जोकमा अनुजले राँगो दुई ब्याउने !

लेखी ह्यूमर शारदा कलमले चार्ली बनी आउने
बन्ने जोकर लोकमा नगरमा पौडेल सम्झाउने
मोतीकान्त अशान्त शान्त विजया आहा सुवेदी वरी !
खान्छिन् आज शकुन्तला भगवती जेरी पुरी बेसरी !

०००
चितवन, हाल- क्यानाडा