नेपाली हास्यव्यङ्ग्य अनलाइन पत्रिका

उत्तम विचार :

चुनाव आयो गाउँमा भन्छन् सहरमा चुनाव
हो बाध्यकारी आएको हैन रहरमा चुनाव ।

दिएर भोट खानुछ चोट नदिऊँ कसरी
पाएको हक अधिकार मैलें नलिऊँ कसरी ।

गुलिया नारा उराली भन्छन् गर्नेछु विकास
समस्या झनै बल्झिँदै जाँदा भेटिन्न निकास ।

पुराना फेरौँ रोजेर नयाँ भन्दछन् अनुहार
पात्र हुन् नयाँ प्रवृत्ति उही देखिने बारम्बार ।

जिताऊँ देश भन्दैन कोही जिताऊ मलाई
विश्वास राख्नुस् मैलै नै गर्छु देशको भलाई ।

यो देश मेरो कङ्गाल भयो भ्रष्टले चुसेर
मिलि र जुली सिनोझैँ ठानी तिनले लुछेर ।

जितेर मन लैजाऊ मत लुटेर होइन
बन्नेछ देश मिलेर हामी फुटेर होइन ।।

०००
काठमाडाैं