मरुभूमि नारायणबजार भाउ रोयो
फेरि विरानीमा पुरानो घाउ रोयो आज
गुड्दा गुड्दै पजेरोमा पाउ रोयो आज ।
बोकेर मानिसको भारी गर्दै वारि पारि
नदी किनारमा पुग्दा नाउ रोयो आज ।
न्याकेको न्याकै हुन्छ माथिबाट तल
भारी बोक्दा–बोक्दै खराउ रोयो आज ।
बारम्बार झर्थे शिरबाट पुछारसम्म
हाँसो उन्मादले आँसु तलाउ रोयो आज ।
होटेलमा गुन्द्रुक ढिंडो भित्र्याइँदा खेरि
भोज भतेरमा खीर पुलाउ रोयो आज ।
बन्दले ठप्पै भयो चारै नाका चारै ढोका
धेरैमा बेचिदा बजार भाउ रोयो आज ।
तनहुँ
Subscribe
Login
0 Comments
Oldest
