नेपाली हास्यव्यङ्ग्य अनलाइन पत्रिका

यो बर्ष त संबिधानको कुरा हुन्छ हुन्छ
कुराकानी मिल्यो भने पूरा हुन्छ हुन्छ ।

भर नपर जसलाई तिमी सधैँ आफ्नो ठान्छौ
“मुखमा राम बगलिमा छुरा” हुन्छ हुन्छ ।

देशको लागि आहुती नै दिने मान्छे कहाँ
स्कुल जान नपाएका भुरा हुन्छ हुन्छ ।

सहिदको घर भित्र के होला ? र धन
पुछिएको सिन्दुर र चुरा हुन्छ हुन्छ ।

मधुशाला भित्र पसि नपिउँदा के हो ?
पिए पछि सुन्दरी र सुरा हुन्छ हुन्छ ।

जहदा- ७ नवलपरासी