नेपाली हास्यव्यङ्ग्य अनलाइन पत्रिका

नेपाली साहित्यका विशिष्ट व्यक्तित्व प्रा. रानेन्द्र सुवेदीको निस्वार्थ साहित्य सेवाको कदरस्वरूप उहाँको ७० औँ वर्ष प्रवेशका अवसरमा सुभकामना अर्पण गर्ने र आगामी वर्ष उहाँका कृति मूल्याङ्कन गरी बृहत् ग्रन्थ प्रकाशन गर्ने योजना साथ ‘सर्जक राजेन्द्र सुवेदी अभिवादन समिति २०७१’ गठन गरिएको छ । साउन १० गते राजधानीमा भएको साहित्यिक क्षेत्रका विशिष्ट व्यक्तित्वहरूको भेलाले यस्तो निर्णय गरेको हो ।

अभिवादन समितिको अध्यक्षमा प्रा.डा. जीवेन्द्रदेव गिरी, उपाध्यक्षमा रमेश भट्टराई र सचिवमा रमेश शुभेच्छु एवम् सहसचिवमा रजनी ढकाल र कोषाध्यक्षमा भागवत आचार्य रहनुभएको छ ।

समितिका सदस्यहरूमा क्रमशः प्रा.डा. महादेव अवस्थी, नरनाथ लुइँटेल, भगवानचन्द्र ज्ञवाली, धीरकुमार श्रेष्ठ, डा. रामप्रसाद ज्ञवाली, रमेश पोखरेल, आर एम डङ्गोल, गीता त्रिपाठी, नवराज पौडेल र हेमराज अधिकारी रहनुभएको छ ।

नेपाली साहित्यका अग्रज स्रष्टा सुवेदीलाई आदर गर्दै उहाँको वास्तविक योगदानको वस्तुगत मूल्याङ्कन गर्ने योजना साथ बनेको उक्त समितिले यही श्रावण १९ गते एक समारोहको आयोजना गरी शुभकामना अर्पण र जीवनीका खास खास सूचना सार्वजनिक गर्ने एवम् वर्ष दिनभित्रमा सुवेदी केन्द्रित वृहत् ग्रन्थ सम्पादन गर्ने योजना बनाएको छ ।
समितिको पहिलो बैठकले यस समितिलाई सचिवालय स्वरूप कार्य सम्पादन गर्ने गरी स्थापना गरेको र बाँकी उहाँका सहकर्मी, स्वजन, शिष्यशिष्या आदिको मनसाय बुझी समितिमा नाम थप गर्दै लगिने योजना बनाएको छ ।