सम्झ नानी !
मति बिग्रे नराम्ररी मित्रै शत्रु बन्छ नानी
नकोरिए कागज हुन्छ नत्र पत्रु हुन्छ नानी !
शरीरको बोझ थाम्ने, सुगठनलाई कायम राख्ने
मक्किएमा हाडजोर्नी तिघ्रै शत्रु बन्छ नानी !
अति क्रुर छ काल चक्र भेद छैन को हो के हो
हेक्का राखी नहिँडेमा तित्रै बाज बन्छ नानी !
वाह वाह बटुल्दिने, सिंहासनमा राखिदिने
भेउ नपाई चलाइ दिए जिब्रै शत्रु बन्छ नानी !
सुख हुँदा नमात्तिई, दुख पर्दा नआत्तिई
इलेजरलाई गल्ती माथि थिची दल्नुपर्छ नानी !
२०७१ भाद्र
काठमाडौं