नेपाली हास्यव्यङ्ग्य अनलाइन पत्रिका

फित्कौलीको लागि भनी खित्कौलीको लागि पनि,
फटाहलाई चड्कन च्यूरा जनताका लागि पनि,
काम माम नाम चोर नोट भोट सबै चोर,
सबै भ्रष्ट खोलिदिन्छु दुनियाका लागि पनि ।

नेता काम नाम चोर जनतालाई झुक्याउने,
दाम चोर गुण्डा डन दुनियालाई भुक्याउने,
व्यापारी र कर्मचारी मन्त्री सांसद साथ एकै,
नोट भोट मिलीखाने जनतालाई झुक्याउने ।

उठौँ जागौँ जन्ता मिलौँ हाम्ले कुरा जान्नुपर्छ,
हाम्लाई ठग्ने फटाहको टुपी समाइ तान्नुपर्छ,
मान्छे ठूलो ठान्ने होइन काम ठूलो ठान्नुपर्छ,
ठूला भन्दै हाम्लाई ठग्ने सबै चोरलाई हान्नु पर्छ ।

माघ आठमा संविधान बन्ने अझै छाँट छैन,
विदेशीका कुरालाई इन्कार गर्ने आँट छैन,
सहमतिमा जनताको संविधान देनन् भने,
सबै नेता भातेकोशी लगिन्छ यो ढाँट हैन ।
नलाङ, धादिङ