वासुदेव पाण्डेयबुद्ध मारेपछि
जिन्दगी बिर्सियो नाउ तारेपछि
शान्ति खोज्दै हिँड्यो बुद्ध मारेपछि ।
खेल खेल्दा सबै ठीक भन्दै थियो
पक्षपाती भन्यो खेल हारेपछि ।
स्वार्थको पुञ्ज झैं लाग्छ यो मानिस
रूख के चढ्दथ्यो आँप झारेपछि ?
कोर्दछन् के गरी मूर्तिमा जीवन ?
बोल्छ झैं लाग्दछन् भाव खारेपछि ।
शत्रुले घेर्दछन् मार हान्छन् मिली
हो अभिमन्यु झैं भित्र पारेपछि ।
Subscribe
Login
0 Comments
Oldest
