भुकम्प राहत
विदेशबाट सहयोग ह्वात्तह्वात्त आए जस्तो लाग्छ
पीडित कहाँ नपुग्दै नपीडितले खाए जस्तो लाग्छ ।
जो भूकम्प पीडित हैन उसैलाई रासन चाहिने रैछ
सिङ पुच्छर देखाएर टाउको पचाए जस्तो लाग्छ ।
के गर्नु मुखमा त राम राम छ नि, मनमा पो छैन
सहयोग गर्न व्यापारीले भाउ बढाए जस्तो लाग्छ ।
देश रोयो मानिस रोए कसैलाई भूकम्प दसैँ भाछ
कतै राहत पुग्दैन कतै दोब्बर पाए जस्तो लाग्छ ।
आफू भोकै बसी अरुलाई खुवाउन चाहँदैन मान्छे
सुत्केरीको नाम लिई आफै अघाए जस्तो लाग्छ ।
हात्ती आयो हात्ती आयो फुस्स सबैलाई थाहै होला
पीडितसामु नपुग्दै नगद तप्प चुहाए जस्तो लाग्छ ।
चोरी डकैती भाँडभैलो अनियमितता गर्नेकै छन् दिन
यथार्थ पीडितलाई जुनतारा नउदाए जस्तो लाग्छ ।
तनहुँ