नेपाली हास्यव्यङ्ग्य अनलाइन पत्रिका

नसोध्नु राजनीतिमा ईमान्दारिता कति हुन्छ
जति नै राम्रो कुरा होस् बिपक्षीसँग बिमति हुन्छ ।

आफूले सोचेको एजेन्डा अरूले पैले ल्यायो भने
कसरी बिगार्ने त्यसलाई भित्रभित्रै भत्भति हुन्छ ।

जब घाटा भो हामीलाई एकअर्काको खुट्टा तान्दा
मिलेर खाँदैछौं अचेल भागबण्डामा जे जति हुन्छ ।

कसरी खेल्नुपर्छ खेल यो सब हामीलाई थाह छ
जनताको के लाग्छ र आश्वासन नै ओखती हुन्छ ।

थोर बहुत मान्छेहरू सडकमा आएर के भो र !
तिनले बालेको आगो तिनकै निम्ति दागबत्ती हुन्छ ।