नेपाली हास्यव्यङ्ग्य अनलाइन पत्रिका

पोलेका छौ सहिद सपना, घूस-हिस्सा डकारी
बोलेका छौ सहिद-बिपना, लूट-किस्सा खकारी ।
सामन्ती कै नटखट चल्यो, सर्बहारा सताई
झुक्दै हिड्छौ, मुलुकभरको अस्मिता नै गुमाई ।१।

छैनन् हाम्रा, घर-जमिनमा, भव्य-उद्योगशाला
मात्रै हामी, पर-मुलुकका, भिर्दछौ उग्र-माला ।
बेच्यौ हाम्ले सहिद जतिको, कीर्ति वा मान-शान
हामी स्वार्थी, झुट-कूट लिदै,बिर्सियौ स्वाभिमान ।२।

मात्रै हाम्रा वचन मधुरा, पेटमा छन् विशाणु
हामी ठूला, अब त कहिल्यै, क्यै गरी हुन्न सानु ।
फुट्ने लुट्ने, नियति कहिल्यै, सप्रने हैन बानी
कुट्छौ हामी, सहिद-बिपना, ओठका मात्र रानी ।३।

धादिङ