वासुदेव पाण्डेयलुटेराहरूको हालीमुहाली
न टुक्रिन्छ मेची न टुक्रिन्छ काली
भए हात यौटा कहाँ बज्छ ताली ?
तिमी के कुरा हो अमिल्दो छ भन्छौ ?
छ उस्तै मधेसी, पहाडी, हिमाली ।
भए खेल हामी सबै एक हुन्छौकक
र, ‘नेपाल’ भन्छौँ नि झन्डा उचाली ।
विदेशी इसारा बन्यो रात कालो
नहट्ने अँध्यारो उज्यालो नबाली ।
हलो अड्किएको तिमी गोरु चुट्छौ
नगर्दा नि हुन्थ्यो विदेशी दलाली ।
भए देशवासी सबै मेष राशि
लुटेराहरूको छ हालीमुहाली ।
फुटे भाइ सुन्छन् र लुट्छन् गँवार
विदेशीहरू बोल्न थाले खसाली ।
सुर्खेत
Subscribe
Login
0 Comments
Oldest
