नेपाली हास्यव्यङ्ग्य अनलाइन पत्रिका

उखाल्छ खम्बा अलिभित्र सार्छ ।
उचाल्छ नेता गुट भित्र पार्छ ।।

बटार्छ थोरै जव कानलाई
खुसुक्क नारा गुणगान झार्छ ।।

उराल्छ पैसा पनि भित्रभित्र
लतार्छ खोजी हनुमान नार्छ ।।

यतै छ बोल्ने परमित्र बोली
बसेर पाखा उ जुँगा बटार्छ ।।

दिएर पित्को हनुमानलाई
लुछेर माटो खुब त्यो डकार्छ ।।

मिलेछ दुष्मन् सरिकै छिमेकी
दिदैन बन्नै झन त्यो विगार्छ ।।

कहाँ छ हाम्रो अति राष्ट्रवाद
रुँदैछ माटो कसले उतार्छ ।।

गोरखा, हाल काठमाडौं