दुर्गाप्रसाद ग्वालटारेकुरा रोपी चट्ट
कुरा रोपी चट्ट कुरै फलाउने दैनिकी छ
अचेल कामको हैन कुराकै बिगबिगी छ ।
काटिकुटी मजस्तै छ, मेरो देशको बेहोर
कुरामा सिंगापुर, तर काममा फिजी छ ।{{read_more}}
डुबेँ भन्छ चुर्लुम्मै, चौटा खोज्दा झोलमा
हत्तेरिका हातमा, न पापा छ न चिची छ ।
चाहन्थ्यो ऊ खप्पर देखाउन त ज्योतिषलाई
के गरोस् ! ज्योतिष आफैं पो घिटीघिटी छ ।
किन मान्छे हुरुक्क हुन्छन् हँ बिकास भन्दै
भन्न पो यो सजिलो छ, गर्न सितिमिति छ ?
२०७४ मङसिर १२
कौसलटार, भक्तपुर
Subscribe
Login
0 Comments
Oldest
