बूँद रानाखोटी नजरमा !
फगत् बूँद यौटा चुहेथ्यो बगरमा 
उठे ज्वारभाटा हजारौं लहरमा ।। {{read_more}}
यहाँ कठ्घरामा सबै फैसला छन्
छ औंला उठेकै सदरमा बदरमा ।।
मसाला भनी छाद हाल्ने गरेछन्
छँदैछैन क्यै स्वाद ताजा खबरमा ।।
चिताएर पुग्ने भए भन्न हुन्थ्यो–
बनी बाँसुरी बस्न पाऊँ अधरमा ! ।।
छ धूवाँ र धूलो र धक्का गजबको !
कहाँबाट हुन्थेँ म एक्लो सफरमा ।।
निचोरौं मजाले र छानौं मलाई
सफा बूँद पारूँ म खोटी नजरमा ! ।।
Subscribe
Login
0 Comments
Oldest
