नेपाली हास्यव्यङ्ग्य अनलाइन पत्रिका

नेता र गोठालो
दुष्यन्तकुमार 

गोठालाहरू धेरै सुखी छन् ।
न उनीहरू ठूला दाबी गर्छन् {{read_more}}
न तिनलाई लिएर 
एकअर्कालाई सराप्छन् या लडछन् मर्छन् ।
जबकि
जनताको सेवाको भोको
सबै दल ब्वाँसो झैँ झम्टिन्छन्
यस्ता यस्ता कुरा 
र यस्ता यस्ता शब्द अगाडि राख्दछन्
जस्तो कि केही भएकै छैन
र सबै भइहाल्ने छ ।
जबकि 
सबै दल
पानीझैँ पैसा बगाउँछन् ।

गोठालाहरू डिलमा बसेर मुस्कुराउँछन्
… भेडाहरूलाई खोरमा हुल्नको लागि
न सभाहरूको आयोजन गर्छन्
न रैलीहरूको,
न घाँटी किन्छन्, न हत्केलाहरू
न शीत र घामले डढेका अनुहारहरूमा 
आश्वासनका सूर्य उमार्छन्
स्वेच्छाले
जहाँ चाहन्छन्, उतै
हाँकेर लान्छन् भेडाहरूलाई ।
गोठालाहरू धेरै सुखी छन् ।

हिन्दीबाट अनु : चन्द्र गुरूङ