नेपाली हास्यव्यङ्ग्य अनलाइन पत्रिका

सरापेर पूँजीवाद्लाई चढे उनी कारमा 
वास्तविक सर्वहारा सधैंभरि मारमा {{read_more}}

तर्पण खाने मार्क्स बाजे सरादमा लेनिन 
भैंसी पूजा संस्कार भो हरेक शनिबारमा

कोही बेच्ने वी पीलाई कोही भण्डारीजी 
खेदिएका राजावादी रुपमा अनि सारमा

भए स्वाहा चारतारे बनी यदुबंसी 
परे कोही साधुतिर कोही परे जारमा

लाल लाल मिले जस्ता चिलिम भित्र भित्र 
हुन्छ हुन्छ यो एकता खुर्सानीको खारमा

कहाँ छैन बेइमानी ? कहाँ छैन भुँडी ?
डुबेको छ पूरै मुलुक कठै भ्रष्टाचारमा

आएको छ स्वर्णकाल यत्रतत्र सुन 
यस्तो लाग्छ कानुननै पुग्छ कारागारमा

चितवन