ऊ अर्थात ढाँटबहादुर !

ऊ अर्थात ढाँटबहादुर !

height= कैले,
उसैको टाङ्मुनि छिरेर
उसैले हामीलाई सिध्याउँने भयो भन्छ । {{read_more}}
कैले,
उसैलाई काँधमा बोकेर
उनीहरूबाट खतरा छ भन्छ
बन्दुक नै बन्दुकको घेराबाट कैलै
आत्तितै चिच्याउँछ–
’ऊ..ऊ मलाई मार्न आउँदै छन् !’

कैले,
रातो झण्डाले सिँगान पुच्छै भन्छ–
‘अरुले हामीलाई फुटाउँन खोज्दै छन्’
कैले,
विचलनसँगै मन्द मन्द मस्किदै भन्छ–
‘कसैले हामीलाई बिगार्न खोज्दै छन्’

कैले,
महाजनको बैठक कोठामा बसेर
महाजनसँग तिघ्रा खप्ट्याएर भन्छ–
‘सत्य सत्य राम राम,
अब तपाईंको हुँदो गर्ने पालो हो’
कैले,
मजदुरको आधा रोटी माग्दै भन्छ–
‘आहा ! इतिहासको याद आयो,
म त उहिलैदेखि तिम्रै हुँ नि !’

एता पनि ढाँट्छ, उता पनि ढाँट्छ
एता हात चाट्छ, उता जुत्ता चाट्छ
एता गैंडाको जिब्रोले चाट्छ
उता सक्कली जिब्रोले चाट्छ !

उसको लागि,
ढाँट्न कुनै दिवस आउँनु पर्दैन
सँधै ढाँट्ने दिवस
सँधै चाट्ने दिवस
ऊ अर्थात ढाँटबहादुर !

२०७५।१२।२२
सुवर्ण चोक

News Views: 570

बलराम तिमल्सिना प्रकाशित मिति : वैशाख २३, २०७६