आर.आर. चौलागाईंकोमामा देश
एउटाले हेर्नलाई काम लाग्छ
आँखा लान्छु भन्यो
अर्कोले लुट्न काम लाग्छ हात लान्छु भन्यो {{read_more}}
र अर्कोले भाग्न काम लाग्छ
खुट्टा लान्छु भन्यो ।
भर्न जानेनन् कसैले
रित्याउन मात्रै जाने
जोड्न जानेनन् कसैले
चुँड्न मात्रै जाने
हँसाउन जानेनन् कसैले
रुवाउन मात्रै जाने
मिल्न जानेनन् कसैले
झगडा गर्न मात्रै जाने ।
एउटाले सोच्नलाई काम लाग्छ
दिमाग लान्छु भन्यो
अर्कोले पिउनलाई काम लाग्छ
रगत लान्छु भन्यो
र अर्कोले सूप बनाउनलाई काम लाग्छ
हाडखोर लान्छु भन्यो ।
मेरो देश अहिले सिकिस्त बिरामी छ
र कोमामा बसेर उपचार गरिरहेको छ ।
२०७६ असार १६
Subscribe
Login
0 Comments
Oldest
