रमेश खकुरेलबाँदर घरमा ल्याई पाल्नुभएछ
बनको बाँदर घरमा ल्याई पाल्नुभएछ
बल्ल अब राम्रो कुरा थाल्नुभएछ ।
मकैबारी उस्कै जिम्मा लाउनुभएछ
मकै उल्ले खायो ढोड बाल्नुभएछ ।
धेरै बुद्धि भए बुद्धू हुन्छ भनेर
बुद्धिको भाँडोमा बिर्को टाल्नुभएछ ।
चोरलाई चौतारो छ साधुलाई शूली
नयाँ दफा कानुनमा हाल्नुभएछ ।
टाठा बाठा घरभित्र ढलीमली गरून्
लाटा सोझा रछानमा फाल्नुभएछ ।
कमलपोखरी, काठमाडौं
Subscribe
Login
0 Comments
Oldest
