नेपाली हास्यव्यङ्ग्य अनलाइन पत्रिका

अमर अधिकारी :

घरवाला: मेयरसाप ! किन डोजर चलाएर हाम्रो घरै भत्काउन लगाउनु भो ? हाम्रो घरबास नै खतम ।
मेयर: किन सरकारी जग्गामा घर बनाउनुभएको त ? नियम कानुन मान्नुपर्दैन ?
घरवालाः नियम कानुन दुनियाँले नमान्दा नि भा छ, मैले मात्र मान्नुपर्ने ?
-१-

विरामीः बिहानै एकजनाले मुक्का हानेर मेरो बंगारै भत्काएदियो डाक्टरसाप !
डाक्टर: महानगरको डोजरभन्दा पनि खतरा रहेछ मुक्का हान्नेको मुक्का त है !
-२-

आगन्तुकः ए भाइ ! यहाँ भत्क्यापाटी काँ पर्छ होला ?
टोलबासीः भत्क्यापाटी त थाहा छैन, देश भत्काउने पार्टीहरुको अफिस चाहिँ बताइदिनसक्छु।
-३-

पत्रकार: प्रवक्ताज्यू ! सहरका सडक एउटाले बनाउने अर्कोले भत्काउने काम भैरहनाका कारण के हो ?
प्रवक्ताः सरकारमा बस्नेहरुले कमिशन पाउनुपरेन ? घरिघरिको कामबाट नै त हो नि कमिशन आइरहने।
-४-

पाहुना: यी डाँडाहरु किन यसरी भत्किए ?
घरवालाः बाटोको लागि डोजर चलाए र नि ! विकास विकास भन्दाभन्दै विनास भो।
-५-

०००
खुंग्री, रोल्पा। हालः बुढानिलकण्ठ, काठमाडौँ ।