रमेश प्रभातचुनावी गीत
बोल्न समेत गारो मान्थे हिजो तिनै नेता सोधी खोजी धाउँदै छन् आज किन यता ?
गाउँतिर डोजर चल्यो चुनाव लागेछ कि ?
आज सडक बत्ती बल्यो चुनाव लागेछ कि ?
कोही पनि छिर्दैनथे त्यता हिजोअस्ति
भीडभाड देख्छु आज सुकुम्बासी बस्ती
भोकभोकै रात काट्थे खाना नपाएर
आज बिहान राँगो ढल्यो चुनाव लागेछ कि ?
आज सडक बत्ती बल्यो चुनाव लागेछ कि ?
बोल्न समेत गारो मान्थे हिजो तिनै नेता
सोधी खोजी धाउँदै छन् आज किन यता ?
बिग्रेको थ्यो पुरै बाटो हिँड्न मिल्दैनथ्यो
आज किन कालो दल्यो, चुनाव लागेछ कि ?
आज सडक बत्ती बल्यो चुनाव लागेछ कि ?
०००
चितवन
Subscribe
Login
0 Comments
Oldest
