नेपाली हास्यव्यङ्ग्य अनलाइन पत्रिका

रमेश प्रभात :

१.
सक्छु आफैं केही गर्न किन बबुरो बनाउँछौ ?
बाआमा छन् मेरा पनि किन टुहुरो बनाउँछौ ?
पढाउन तिमी जान्दैनौ, सिक्न म सक्दिनँ,
एउटै कुरामा सधैं किन कुखुरो बनाउँछौ ?

२.
हामीसँगै बसे हुन्छ तिमीलाई हानि छैन,
शराबमा डुब्छौ कति हामीलाई पानी छैन,
सर्वहारा नेता हुँ म भन्दै गफ नलगाऊ भो,
हिजोआज सादा जीवन बाँच्ने तिम्रो बानी छैन ।

३.
पुरुषलाई पीर पर्दा रुन गाह्रो किन ?
पीडालाई मैलासरि धुन गाह्रो किन ?
अँध्यारो छ वरिपरि केही देख्दिनँ म,
आफैं घाम अनि जुन हुन गाह्रो छ किन ?

०००
चितवन