विश्वनाथ ढुङ्गेलघुमाउने कुर्सी
उद्योग कारखाना बेची सिध्याउनेलाई नेताभै देश खोक्रो पारि रित्याउनेलाई भन्दिनु भन्दिनु है भाग वण्डा खाली छन् नेता जाली छन् ।
विश्वनाथ ढुङ्गेल :
माथि माथि संसदमा
कुर्सी घुमाउनेलाई
जनताको ढाड सेकाइ
आफू रमाउनेलाई
भन्दिनु भन्दिनु है
हाम्रा दिल खाली छन्
नेता जाली छन् ।
पाखा र पर्वतमा
रेल कुदाउनेलाई
केही भन्न सकिन्न
जेल उडाउनेलाई
भन्दिनु भन्दिनु है
हाम्रा माग खाली छन्
नेता जाली छन् ।
उद्योग कारखाना
बेची सिध्याउनेलाई
नेताभै देश खोक्रो
पारि रित्याउनेलाई
भन्दिनु भन्दिनु है
भाग वण्डा खाली छन्
नेता जाली छन् ।
हुँदैन भलो अन्तै
मन जोड्नेलाई
जनताका मन रुवाई
वाचा तोड्नेलाई ।
भन्दिनु भन्दिनु है
हाम्रा थाल खाली छन्
नेता जाली छन् ।
०००
भक्तपुर ।
Subscribe
Login
0 Comments
Oldest
