नेपाली हास्यव्यङ्ग्य अनलाइन पत्रिका

देश बोक्लान् भनेको त मलामी पो भएछन्
वैद्य डाक्न पठाको झन् घाटतिर गएछन्

घ्याम्पा जत्रा तिन्का भुँडी के हालेर भर्ने खै
लाज छोप्ने आफ्नै बस्त्र च्याती च्याती खाएछन्

गिद्ध जस्ता तिन्का दृष्टि जताततै पुर्दारान्
राजनीतिको सिनो खोज्दै उतैतिर धाएछन्

विश्वास गर्नु भुल रैछ धोका पाउनै पर्न भो
के को गाउँथे शान्ति गीत मृत्यू गान गाएछन्

ठिंगुराएर राख्नु पर्ने चिडियाखाना मै
हाम्लाई कुबुद्धि लागेर यिन्ले मुक्ति पाएछन्

के गरेर थुन्ने होला यिनलाई काञ्जीहाउसमा
जनताको बाली नास्न डुक्रदै पो आएछन्

तल्लाघरे कान्छादाइ अलिक आँटी परेछन्
तह लगाइ साँढेहरू दाइँमा पो दाएछन् ।

गौरादह- ४, भापा