नेपाली हास्यव्यङ्ग्य अनलाइन पत्रिका

बाँचेर अर्थ छैनन् व्यर्थै जिएर के भो !
राखेर ज्ञान भित्री बोक्रो दिएर के भो ! -१

पढ्नेहरू पढेका छन् पढ्नुपर्दथ्यो जो
खै ! जाति मात्र नेपाली सम्झिएर के भो !- २

शिल्पी कुँदेर ढुङ्गा ब्रम्हा भए सबैको
बाँड्ने कला नपुग्दा झोला सिएर के भो ! -३

माटो मरेर बाँच्दा मान्छे लुटेर मर्छन् !
ज्ञानी भनाउनेले दारू पिएर के भो ! -४

जेजे छ खास देऊ विद्वान् सरेर बाँच्छन्
गङ्गा महान् छ आफै थोपो लिएर के भो ! ५

यो देशभित्र आस्था बेच्नेहरू कयौँ छन्
बाटो भुलेछु भन्दै जो झस्किएर के भो ! ६

०००
इलाम