बूँद रानागर्छौं गुलामी !
दिई शान भन्छन् यहाँ बिग्रिनेले कुहेकै कुराले सुरा बन्छ दामी ! हिजै फाल्नु पर्ने सिनो गम्किँदै छ म पर्खी बसेको छु अर्को सुनामी !
बूँद राना :
छु आजाद भन्छौं र गर्छौं गुलामी !
कहाँसम्म लाछी भयौं आज हामी ?
थियो रोग चर्को झनै बल्झिँदै छ
यहाँ जो छ बोक्सी उही नै छ धामी !
कुरा बिग्रिएको यहीँबाट हो है
फगत् भक्त रोज्यौं नखोजेर खामी !
दिई शान भन्छन् यहाँ बिग्रिनेले
कुहेकै कुराले सुरा बन्छ दामी !
हिजै फाल्नु पर्ने सिनो गम्किँदै छ
म पर्खी बसेको छु अर्को सुनामी !
म बर्खा हुँ तिर्खा सबै मेट्छु भन्थ्यो
गयो बूँदको प्यास छाम्दै न छामी !
०००
Subscribe
Login
0 Comments
Oldest
