दुर्गाप्रसाद ग्वालटारे“यो डरायो” भन्नेसँग
माया लाग्न थालेको छ ती गोठालाहरूको खुट्टा कमाउँदै “यो डरायो” भन्नेसँग ।
दुर्गाप्रसाद ग्वालटारे :
सावधान ! स्याललाई खरायो भन्नेसँग
साँढे घस्याउँदै बाघ करायो भन्नेसँग ।
कसरी तेर्स्याउँ म लालपूर्जा उसलाई
मेरो खर्कमा वस्तु चरायो भन्नेसँग ।
देखेको छु उँधो बगाएको र मुर्मुरिँदै छु
बेस्सरी उँभो खोज्दै गाई हरायो भन्नेसँग ।
माया लाग्न थालेको छ ती गोठालाहरूको
खुट्टा कमाउँदै “यो डरायो” भन्नेसँग ।
ताज्जुप लाग्छ कुरा सुन्दैमा उनीहरूको
ग्वालाले “ग्वाली-टार“ मन परायो भन्नेसँग ।
०००
३१ अक्टोबर २०२३
मेलवर्न, अस्ट्रेलिया ।
Subscribe
Login
0 Comments
Oldest
