युवराज भण्डारीनैतिकता बिर्सनुहोस् पूरै
युवराज भण्डारी :
कहाँ अवसर पनि योग्यता अनुसार आउँछ
पहुँच हुनेलाई मात्र मौका बारम्बार आउँछ ।
खुसी छन् झुपडीमा महलको सपना देख्ने
महलमा बस्नेको गुनासो लगातार आउँछ ।
अद्यावधिक भएर सामाजिक सञ्जालमा
जन्मदेखि मृत्युसम्मको समाचार आउँछ ।
सत्ता सोच्नुहोस् र नैतिकता बिर्सनुहोस् पूरै
अयोग्यको प्रथम सूचीमा इमानदार आउँछ ।
जनताले चाहेर हुने होइन गुणस्तर वृद्धि
सरकार प्रतिबद्ध भए मात्र सुधार आउँछ ।
हामी सबैले मिलेर राम्रो तयारी गरी राखौँ
हर शताब्दीमा एक नयाँ अन्धकार आउँछ ।
०००
तनहुँ, हाल: क्यानडा
‘भावनाको तस्वीर’ गजलसङ्ग्रह (२०८०)
Subscribe
Login
0 Comments
Oldest
