चिरञ्जीवी दाहालधन्दा गर्छन् मान्छे बेच्ने
मौका परे चन्द्र सूर्य बेच्छन् आकासका तारा भाषणमा काजु भन्दै कुहिएको बदाम दिन्छन् ।
चिरञ्जीवी दाहाल :
घरको इमान्दारलाई अन्तर्घाती नाम दिन्छन्
परचक्रीहरूलाई आफ्नै काखमा ठाम दिन्छन्
पदले हो कि पैसाले हो छोइनसक्नु हुन लागे
आफ्नै नाता भित्र मात्र ठेक्कापट्टा काम दिन्छन्
चार पैसामा नबिक्नेले धन्दा गर्छन् मान्छे बेच्ने
सँगालेको कालो धन छ चुनावमा खाम दिन्छन्
जसोतसो पदमा पुगे जङ्गबहादुर बन्न खोज्छन्
नदी नाला मात्र होइन छिमेकीलाई तमाम दिन्छन्
मौका परे चन्द्र सूर्य बेच्छन् आकासका तारा
भाषणमा काजु भन्दै कुहिएको बदाम दिन्छन् ।
०००
चितवन
Subscribe
Login
0 Comments
Oldest
