धीरेन्द्र प्रेमर्षिउम्लेपछि चैँ पोखिन्छ है !
देश उचाल्न युवा काँधलाई युगले दिएको खटन हो यो । उम्लेपछि चैँ पोखिन्छ है ! ठूलाबडाको कथन हो यो ।
धीरेन्द्र प्रेमर्षि :
बेवास्ताको जतन हो यो
अहङ्कारको पतन हो यो
देवासुर सब मिली गरेको
समुद्रको नै मथन हो यो
हल्ला होइन, कर्मले गर्ने
नव आशाको गठन हो यो
जनजनले तनमनले दिएको
प्रेमिल धनको रतन हो यो
देश उचाल्न युवा काँधलाई
युगले दिएको खटन हो यो
उम्लेपछि चैँ पोखिन्छ है !
ठूलाबडाको कथन हो यो
मानवतालाई आऊ सिङ्गार्न
‘प्रेमर्षि’को वतन हो यो ।
०००
२०८२/११/२२
Subscribe
Login
0 Comments
Oldest
