नेपाली हास्यव्यङ्ग्य अनलाइन पत्रिका

उर्लेर सारा यै काठमाडौमा
सडक सानो भो भन्छन् काठमाडौमा
खानु न पिनु चप्पल पड्काउँदै
दौडिरहेछन् यै काठमाडौमा

सुन फल्ने गाँउघर राखेर बाँझो
के खोज्न ओइरिरहेछन् खै काठमाडौमा
के रेछ यहाँ त्यस्तो आकर्षित गर्ने
हातमा दियो लिएर
आगो खोज्न आउने यै काठमाडौमा

पुर्ख्यौली घर भत्काइ सडक बढाई
फुटपाथ पार्किङ् हुन्छ काठमाडौमा
फोहरको थुप्रो, किनारामा पसल
पानीको भेलमा मैला बग्छ सडकमा
बुझ्नै नसकिने यहाँको कस्तो रीत
काग पनि कोइली बनी हिँड्छ काठमाडौमा

आफ्ना पर सारी मिली परचक्रीसँग
पैसै पैसामा दौडिरहेछन् काठमाडौमा
अनि तिनै मिली स्वरबद्ध पारी भन्छन्
हामी बिना खै के थियो र काठमाडौमा ।

बुढानिलकण्ठ, काठमाडौं