नेपाली हास्यव्यङ्ग्य अनलाइन पत्रिका

रोल्पा घर हो
नाम धन आर्जन
(ल)डाकु थरको ।

अर्थ मन्त्री हुँ
आफ्नै खल्ती बलियो
बनाउँदै छु ।

सर्वहाराको
गर्न पर्छ उत्थान
मेरै नारा हो ।

खान्थेँ पातमा
धन्न साँचो सुम्पियौ
मेरो हातमा ।

लाएँ चप्पल
जितेँ तिम्रो विश्वास
ठान्यौ अब्बल ।

भयो कि पत्ता ?
बिरुद्धमा उभिने
पारेँ बेपत्ता ।

उठ्यो नजर
पारेकै हो सखाप
सत्र हजार ।

कुरा खाँटी हो
नाथे सिसि फुटेज
के नै ठूलो भो ।

राम्रो बानीले
भोट दियौ तिमीले
खाँयौं हामीले ।

कुरा बुझ यो
आन्दोलन गरेको
मन्त्री हुन हो ।

पेट ठूलो छ
जति कोच्यो भरिन्न
तल दुलो छ ।

दरिद्री नै छु
जति धनी भए नि
सर्वहारा हुँ ।

बनेर खसी
तिमी रोप पसिना
खान्छु म बसी ।

मन्त्री भएर
बिर्सें आफ्नो संकल्प
माथि गएर ।

सिसि छुटाएँ
मैले गल्ती के गरेँ
कर घटाएँ ।

करमा छुट
गरिदिएँ बनाएँ
बलियो गुट ।

डोरी बटार्यौ
छानबिन गरेर
के नै लछार्यौ ।

मेरो कलम
गर्छ गान धनकै
लाल सलाम ।

०००
कपन, काठमाडौं